როდესაც «შერლოკ ჰოლმსი» გამოვიდა, ფილმის ერთერთი ბონუსი იყო ის რომ
შეგვეძლო გვევარაუდა – ვინ იჯდა სინამდვილეში ჩაბნელებულ ეტლში და
პროფესორ მორიარტის როლს ასრულებდა, რომელიც ჩვენ ფილმის ბოლომდე მაინც
ვერ ვნახეთ. თავისებური კონსენსუსიც კი გაჩნდა: ყველა თვლიდა რომ ეს იყო
ბრედ პიტი და ფრანშიზის მომდევნო ნაწილში სამსახიობო ანსამბლი კიდევ უფრო
დედებული გახდებოდა: რობერტ დაუნი უმცროსი, ჯად ლოუ და ბრედ პიტი მარკ
სტრონგის მაგივრად. თუმცა შემდეგ გაი რიჩიმ ეს ჭორი უარყო: არ ყოფილა პიტი
ფილმის პირველ ნაწილში და არც მეორეში იქნება. ამის მაგივრად ის ოცნებობს,
რომ მეორე ფილმში პროფესორ მორიარტის როლი შეასრულოს დენიელ დეი–ლიუისმა.
ლიუისმა თუ არა ჰავიერ ბარდემმა ან გარი ოლდმანმა მაინც. ჩვენ ნებისმიერი
ვარიანტი მოგწონს, მთავარია ფილმი გამოვიდეს. და ის გამოვა 2011 წლის
დეკემბერში.